British boxer Ricky Hatton, patay sa edad nga 46

Napalgan patay sulod sa iyang kaugalingong panimalay sa Britanya ang boksidor nga si Ricky Hatton sa edad nga 46.

Gikumpirmar sa Greater Manchester Police ang patayng lawas sa boksidor sa panimalay niini sa Gee Cross, Hyde sayong buntag sa adlawng Dominggo, Septiyembre 14 (oras sa Englatera).

Dugang sa mga kapulisan nga dili suspetsado ang kamatayon ni Hatton apan wala pa nila gidetalye ang hinungdan niini.

Gani nagplano pa kining mubalik sa boxing ring sa Disyembre.
Ang karera ni Hatton sa boksing nagsugod niadtong 1997 og natapos pag 2012 sa pipila ka mga world championship title sa light-welterweight ug welterweight division nga usa sa iyang nakasangka ang Pinoy boxer nga si Manny “Pacman” Pacquiao.