British tech tycoon Mike Lynch, lakip sa mga nawala human nalunod ang yate niini sa Sicily

BRITISH-Gikatahong lakip sa nawala ang British tech tycoon nga si Mike Lynch, usa sa unom nga natalang nawala human ang luxury yacht nalunod sa Sicily.

Ang yate nga adunay gitas-on nga 56 meters adunay karga nga 22 ka tawo nga naglakip sa 10 ka tripulante ug 12 ka pasahero kansang mga British, American ug Canadian nationals.

Ingon man nga naluwas sa emergency services ang 15 ka mga tawo lakip ang usa ka tuig nga batang babaye nga British.

Naluwas usab ang asawa sa 59-anyos nga negusyante nga si Angela Bacares.

Basi sa imbestigasyon, ang nasangpit nga yate naigo sa waterspout nga susama sa ipo-ipo hinungdan sa pagkaunlod niini.