‘Browny’ pet sa usa ka fur-parent, usa ka kanding

Espesyal ang binuhing hayop sa netizen nga si Alejandro tungod kay sa ngalan pa lang niini nga “Browny” maka-ingon ka nga iro kini, apan ang iya diay’ng fur-baby, usa ka kanding.

Hinungdan nga gikalingawan kini sa social media human gi-upload ni Alejandro ang ilang makalingaw nga panag-uban sa iyang kanding nga si Browny.

Sama sa iro ug ubang mananap, si Browny iya usab nga ligoon, pakan-on pa sa plato ug paimnon og gatas ug iya pang kasab-an kung gabii nang mupa-uli rason nga mapasmo na sa iyang oras nga tingkaon.

Susama gayod sa usa ka bata ang pagpangga ug paghigugma nga gihatag ni Alejandro kang Browny kinsa dili usab magpaulahi sa mga iro tungod kay kabalo usab kini maglabing-labing sa iyang fur-papa.