BTS is back !!!
Nakumpleto na ang seven-member K-pop boy band group nga BTS gikan sa ilang mandatory military service.//
Kini human madischarge niadtong Sabado, Hunyo 21 ang rapper nga si Min Yoon-gi o mas giila sa screen name nga ‘Suga’ gikan sa iyang alternative military service isip social service agent.
Apan wala mimatim-aw sa media ang singer nga nag-atang gawas sa military base diin nabutyag ang iyang discharge process pinaagi sa South Korean mobile app na Weverse.
Dinhi gipasalamat ni Yoon-gi ang ilang fans nga gitawag nga ‘BTS Army’ sa paghuwat kaniya sulod sa duha ka tuig nga pagserbisyo gawas sa showbiz industry.
Nangayo pud kini og pasaylo sa nahitabong drunk driving issue niya pipila ka tuig nang milabay nga nakapa-disappoint sa mga fans.
Kahinumduman nga mibuto ang isyu sa iyang drunk driving incident human kini hubog nga nagmaneho sa iyang scooter nga mismong sa atubangan sa iyang balay na natumba diin nakadawat kini og multa ug suspensyon sa iyang lisensya.
Siya nag katapusan miyembro sa BTS nga nakakumpleto sa mandatory military service requirement sa South Korea diin na enlist kini niadtong Septiyembre 2023.
Nunot niini gikahinam-hinam na sa ilang fans ang up and coming comeback sa grupo diin base sa ilnag kompanya nga HYBE nga possibleng mahitabo ilang comeback sa Marso 2026.
