Mikabat na sa P165.4 bilyon sa unang bulan sa 2026 ang budget surplus sa Pilipinas.
Nahimo kini sa nasudnong gobyerno tungod sa pagtaas sa kita sa gobyerno.
Diin kini halos triple sa budget surplus nga natala niadtong Enero sa miaging tuig nga miabot lang og P68.4 bilyon.
Niadtong bulana, ang nasudnong gobyerno nakakolekta og P468.9 bilyon sa kinatibuk-ang kita.
Dako nga bahin sa nasangpit nga kita gikan sa Bureau of Internal Revenue (BIR) nga nakakolekta og P358.7 bilyon. Kini 1.01% nga mas taas kaysa sa Enero 2025.
Ang Bureau of Customs (BOC) nakakolekta og P80.9 bilyon. Kini misaka og 2.13%.Direktoryo sa estasyon sa radyo
Gipasabot sa BOC nga ang mas taas nga koleksyon sa buhis tungod sa mas estrikto nga pagpatuman sa lain-laing mga lakang batok sa smuggling ug uban pang ilegal nga mga kalihokan.
Para sa BIR, giila niini ang digitalisasyon ug mas estrikto nga administrasyon sa buhis isip mga nag-unang hinungdan sa pagsaka sa koleksyon sa buhis sa unang bulan ning tuiga.
