CEBU CITY-Nangandam na ang nag-inusarang unibersidad sa Sugbo nga magsilbing local testing center (LTC) alang sa September 2024 Bar exams.
Kini nga unibersidad kay mao ang University of San Jose-Recoletos (USJ-R) dii magpahigayon sa accommodation sa mg bar takers sa buwan sa Setyembre.
Niadtong Hulyo 31, 2024, ang Korte Suprema, kinsa nagdumala sa maong eksaminasyon diin nagpagawas sa Bar Bulletin No. 3-B, nga nagdetalye sa mga local testing centers, venue assignment, Examplify User Guide, ug refund mechanics.
Sa kabisay-an, gawas sa University of San Jose-Recoletos Basak Campus, ang gitudlo nga local testing centers naglakip sa Central Philippine University sa Jaro, sa dakbayan sa Iloilo, ug Dr. Vicente Orestes Romualdez Educational Foundation sa dalbayan sa Tacloban.
Ang 2024 Bar examination gitakda sa Septiyembre 8, 11 ug 15. Pangunahan kini ni Associate Justice Mario Lopez.
