Suportado ni Presidente Ferdinand Marcos Jr. ang bisan unsang sugyot nga makapauswag sa kinabuhi sa mga Pilipino, ilabi na kung aduna kini igong edukasyon, nga makaayo usab sa ekonomiya sa Pilipinas.
Kini ang tubag ni Communications Usec. Claire Castro, nunot sa gisugyot sa Finance Department kalabot sa pagpahamtang og buhis, ilabi na sa mga online gaming operators.
Gipasabot sa opisyal nga nasayod usab ang presidente sa posibleng mahitabo sa mga indibidwal nga adik sa sugal.
Hinungdan nga kung ang bag-ong buhis makatabang sa pagpugong sa online gaming, matod niya, dili kini supakon ni Presidente Marcos.
Sa samang higayon, pakusgon usab sa administrasyon ang pakigbatok sa ilegal o dili rehistrado nga online gaming sites sa nasod.
Ingon man nga gawas sa mga online gaming sites nga lisensyado o lehitimo, pakusgon usab niini ang pagpakig-away batok sa mga illegitimate o dili husto o dili rehistrado nga mga online gaming sites.
