Nahimong ika-21 nga nasud sa Europa ang Bulgaria nga migamit na sa European currency atol sa pagsulod sa bag-ong tuig human sa dul-an 20 ka tuig nga misalmo sa European Union ang maong Balkan nation.
Pagtakna alas 12 sa kadlawn sa maong nasud kay mibiya na kini sa lokal niini nga panalapi diin gigamit kini sukad kaniadtong late 19th century.
Hagbay rang hinaot sa mga lungsuranon sa maong nasud ang nag-adbokasiya sa paggamit sa Euro sa kapin 6.4 milyones nga populasyon niini sa hinaot nga mapalambo ang ilang ekonomiya sa giila usa sa mga kabus nga sakop sa EU dungan sa pagpalig-on sa relasyon niini sa ubang kanasuran sa Amerika ug Europa ug pagsalikway sa impluwensya sa Russia.
Apan aduna gihapo’y mga Bulgarians ang dili uyon sa maong kabag-ohan sa ilang panalapi nga naghatag sa kabalaka nga mutaas ang presyo sa mga palaliton dugang pa sa nagpadayon kahuyang sa politika sa maong nasud.
