Gipadayag sa Bureau of Fire Protection (BFP) Region 7 ang ilang hingpit nga pagpangandam alang sa umaabot nga ASEAN Summit 2026.
Ubos sa lig-on nga pagdumala ni FCSUPT FRED L TRAJERAS JR, ang tibuok pwersa sa rehiyonal nga kabomberohan mipakita sa ilang commitment sa paghatag og “fire-free” ug luwas nga palibot alang sa mga lider ug delegado gikan sa nagkalain-laing nasod sa Southeast Asia.
Sumala sa BFP-7, ang ilang partisipasyon kabahin sa “unified security efforts” diin makigtambayayong sila sa kapulisan ug militar.
Tumong niini ang pagbantay batok sa bisan unsang hulga o emerhensya nga mahimong motumaw sa tibuok dagan sa maong prestihiyosong internasyonal nga panagtigom.
Hinuon, gipaniguro ni Trajeras Jr. nga ang ilang mga sakop mohatag og de-kalidad nga serbisyo gikan sa fire suppression, rescue operations, hangtod sa medical emergency response aron ipakita ang garbo ug kaandam sa mga Pilipino sa pag-host sa susama niini ka dako nga kalihokan. via Bombo Rocky Lavarez
