CEBU CITY-Gikatahong dad-on ug gamiton sa dakbayan sa Sugbo ang bus system sa Sweden nga maoy usa sa nahisgotan sa panagtagpo nila ni Swedish Ambassador Anna Ferry ug Mayor Raymond Garcia, niadtong Pebrero 18, 2025.
Kauban ni Ambassador Ferry sa iyang pagbisita sa Cebu City Hall si Honorary Swedish Consul Alexander Hey.
Diin ang kalamboan nakapaikag kang Mayor Garcia tungod sa nagpadayong gitukod nga Cebu Bus Rapid Transit Project (CBRT).
Nipadayag siya sa kaandam sa iyang administrasyon sa pakiglambigit sa Sweden alang sa paghatag og tubag sa pipila ka mga suliran sa dakbayan, sama sa kakuwang sa tubig ug sa pagpaminos sa carbon footprint niini.
Matud pa nga plano sa mga bisita sa mayor nga magtukod og imprastraktura sa bus system dinhi sa dakbayan nga kabahin sa CBRT.//
Niadtong Oktobre 2024, naghimo og pagtuon ang mga kaubanan ni Ambassador Ferry sa dakbayan sa Sugbo ug nakakuha sila og maayong resulta sa maong pagtuon.
Tungod niini, si Ambassador Ferry nga andam sila nga makigbulig sa kagamhanan sa dakbayan sa Sugbo.
Giuyonan kini ni Garcia hilabi na nga daghang mga butang ang angay nga palamboon, usa na niini ang kahimtang sa transportasyon.
Ingon man ang pagpadayag niini nga nagtinguha nga electric bus na ang magdagan sa mga kadalanan nga maoy sakyan sa publiko.
