CEBU – Usa ka semana pa lang sa dili pa ang Mayo 9 nga mismong adlaw sa piniliay gipangandaman na sa sakop sa Cebu Soouth Bus Terminals (CBST) ug Cebu North Bus Terminals (CBNT) ang pagdagsa sa mga pasahero nga gustong mouli sa ilahang tagsa-tagsa ka probinsya aron mobotar karong umaabot nga election.
Kini ang gibutyag ni Carmen Quijano, ang General Manager sa CBST ug CBNT atol sa eksklusibong pakighinabi sa Bombo Radyo Cebu.
Matod ni Quijano nga andam na ang mga terminals ingon man nagrequest na usab kini og dugang tents alang sa mga pasahero kung adunay pag-uwan nga mahitabo.
Gisiguro usab niini nga andam ang mga driver ug mga sakyanan nga panggamiton aron malikayan ang mga aberya nga maoy makakompromiso sa ilahang operasyon.
Gawas niini, gibutyag usab ni Quijano nga tugotan ra ang mga bus drivers nga makabotor sa ilahang tagsa-tagsa ka presinto apan depende na usab kini sa nasabotan sa mata kompanya nga ilahang gitrabahoan aron dili mabalda ang mga pagbiyahe.
