Subsob na ang pagpangandam sa kadagkuan sa terminals sa Sugbo partikular na ang Cebu South Bus Terminal ug Cebu North Bus Terminal subay na sa nagkaduol nga pagsaulog sa kalag kalag 2025.
Gisaysay ni Ahmed Quizon Head sa CSBT ug CNBT nga nakig-alayon sila ngadto sa nagkadaiyang enforcement agency gikan sa nagkadaiyang dakbayan.
Plano usab sa maong buhatan nga magtukod og lain pang satellite terminals aron maminusan ang pagdasok sa mga mananakay hilabi na nga ilang gilaoman ang pagdagsa sa pasahero karung Oktubre 30 ug 31.
Ingon man nga gidugang ni Quizon nga magpahigayon sila og 24/7 operation sa mga terminal aron dili maputol ang pagserbisyo ngadto sa katawhan.
Gawas niini giandam usab nila ang maong mga terminals hilabi na sa hisgutanan sa kapunduhan og waiting area nga nagtumong nga dili mauwan ug mainitan ang mga pasahero pinaagi sa pag-instalar ug mga tents ingun man electric fan.
Giklaro usab ni Quizon nga dili makapatuyang og pagpalambo ang Probinsya sa Sugbo gumikan kay anaa ubos sa usufruct agreement ang maong terminal ug nahuman na kini sa pagkapupos sa administrasyon ni Kanhi Gobernador Gwen Garcia.
CUE IN: AHMED QUIZON, Head – Cebu North and South Bus Terminals
Giawhag usab ni Quizon nga pahimuslan sa mga pasahero ang mga satellite terminals nga didto nalang sila mo sakay aron dili na magtipun-og sa terminal ug dili na sila malay-an sa pagbyahe ingun man dili usab makalapas sa ordinansa sa dakbayan sa sugbo nga no loading ug unloading kay mo sulod sa terminals ug mogawas kini sa kadalan nga puno na ang bus ug pasahero ingun man sundon ang mga lagda nga gipatuman sa mga terminals aron dili malangan sa pagbyahe.
