CEBU – Gibutyag sa Mandaue City Disaster Risk Reduction Management Office (CDRRMO), nga nitala sa labing taas nga lebel sa tubig ang Butuanon River sa pagkakaron, gumikan sa kusog nga pagbunok sa ulan gahapon sa hapon Biyernes, Septiyembre 9, 2022.
Matud pa ni Karlo Cabahug, pangu sa Mandaue City Disaster Risk Reduction and Management Office (MCDRRMO), nga ang gitas-on sa kapin sa duha ka tawo anaa sa ibabaw sa normal nga lebel sa suba.
Tungod niini, daghang pamilya ang naluwas ug gipabakwit sa CDRRMO ug gi-atiman sa City Social Welfare and Services.
Dugang pa, nga sa Alas 5:25 sa hapon, nagpadayon pa ang ilang rescue operations, apan wala silay nadawat nga report nga adunay mga indibidwal nga naanod sa baha.
Pipila sa mga lugar nga labing apektado mao ang Barangay Umapad ug Paknaan.
