Misang-at Si Byron Garcia, igsoon sa kanhi gobernador sa Sugbo nga si Gwendolyn Garcia, sa iyang ikatulong reklamo batok kang Gob. Pamela Baricuatro,
Ang bag-ong reklamo naggikan sa P2.6-milyon nga renovation sa “bag-ong opisina sa gobernador” sa Kapitolyo sa Sugbo, nga matud pa usa ka nga National Historical Landmark.
Gisumiter ni Garcia criminal complaint affidavit ngadto sa Office of the Ombudsman niadtong Biyernes, Disyembre 5, nga nag-awhag sa ahensya sa pagsugod sa mga kriminal nga proseso batok kang Baricuatro.
Gihisgutan niya ang giingong mga paglapas sa Anti-Graft and Corrupt Practices Act (R.A. 3019) ug sa National Cultural Heritage Act of 2009.
Gitudlo usab niya ang mga administratibong hinungdan, lakip ang grave misconduct, abuse of authority, ug conduct unbecoming of a public official.
Sumala sa reklamo, si Baricuatro naggahin og P2,633,698.43 para sa renovation, nga naglakip sa pagguba sa mga kisame, atop, ug mga dingding.
Gilakip ni Garcia ang daghang mga dokumento nga nagsuporta, lakip ang Program of Works, Invitation to Bid, BAC Resolution No. 25-005, Obligation Request, Indorsement, draft Contract Agreement, draft Notice to Proceed, ug Schedule of Procurement Activity.
Gihimug-atan niini nga ang Cebu Provincial Capitol usa ka Status I National Historical Landmark ubos sa NHCP Resolution No. 11, S. 2008.
Nanawagan usab si Garcia alang sa kriminal ug administratibong tulubagon, lakip ang preventive suspension, o pagkataktak sa serbisyo.
Kahinumdoman nga adunay laing duha ka reklamo ang gisang-at ni Garcia batok kang Baricuatro pipila ka adlaw ang milabay
