Mipadayag sa iyang pagka-dili guilty si kanhi Cebu Provincial Capitol consultant Byron Garcia atubangan sa korte kalabot sa 3 counts sa pasangil nga gender-based online sexual harassment nga gipasaka batok kaniya ni Dr. Elisse Nicole Catalan.
Gihimo ni Garcia ang maong plea atubangan sa Municipal Trial Court in Cities (MTCC) Branch 1 sa Mandaue City gahapong adlawa, Miyerkules, Hulyo 29, 2026, ug matod pa niya human sa arraignment, gibati niya nga wala gyud siya’y sala sa mga pasangil nga gibato batok kaniya.
Nagpahayag usab siya og pagsalig nga siya maabswelto, nga nag-ingon nga siya “99 %” nga sigurado nga siya maabswelto sa maong kaso.
Sa maong hisgutanan, ang reklamante nga si Catalan, nga anak ni Cebu Governor Pamela Baricuatro, miakusar kang Garcia sa pag-post og mga pasipala ug makauulaw nga mga content mahitungod kaniya sa internet, ug nakabase ang maong reklamo sa Republic Act No. 11313 o ang Safe Spaces Act, diin giprotektahan niini ang mga indibidwal batok sa sexual harassment online, sa mga publikong lugar, trabahoan, ug mga eskwelahan.
Sa karon, nagdumili si pa Catalan sa pag-isyu og pamahayag human sa hangyo ni Garcia.
Samtang ang sunod nga husay gikatakda sa sunod buwan sa Branch 1, sa Municipal Trial Court in Cities (MTCC) sa Mandaue City.
