CEBU CITY-Tulis ang inisyal nga motibo nga napanglantawan karon sa Cordova PNP kalabot sa pagkakaplag sa patayng lawas sa usa ka byudo sulod sa iyang panimalay sa may Purok 1 Brgy. Dapitang lungsod sa Cordova, Cebu.
Kini ang gibutyag ni Police Staff Sergeant Renato Inok ang desk officer sa Cordova PS.
Una niini, nanawag matud pa ang silingan sa biktima sa estasyon sa kapulisan ug mireport nga dunay nanimahong patay sa ilang palibot kung diin nasuta nga naay patay nga nakaplagan sulod sa iyang panimalay./
Naila kini nga si Jul Berdin Braga, 57 anyos ug usa ka byudo. Matud ni Inok nga atol sa ilang pagresponde, bloated na ang patay nga lawas ug gitoohang 3 ka adlaw na kini nga patay.
Nakita usab sa crime scene nga ang bintana sa balay sa biktima ang gituyo sa paguba ang screen para makasulod hinungdan nga napanglantawan karon sa kapulisan nga gisulod kini sa wala nag-inusara nga suspect.
Nawala matud pa usab ang laptop sa biktima. Narekober usab ang usa ka bato nga dunay dugo sa crime scene nga posibleng maoy gigamit sa pagbunal sa ulo niini.
Gipa-ubos pa usab sa autopsy ang patay nga lawas karon para sa pagsuta sa gikamatyan niini samtang nagpadayon usab ang imbestigasyon sa maong krimen.
