METRO MANILA-Andam ang Cambodia nga mo-eksport og bugas sa Pilipinas gikan sa sobra niini isip kabahin sa paningkamot sa duha ka nasud nga mapalig-on ang ilang relasyon.
Matod sa Department of Foreign Affairs (DFA), nagsugod ang pasalig sa Phnom Penh sa dihang nihimo og courtesy call si Philippine Ambassador to Cambodia Flerida Ann Camille Mayo kang Prime Minister Hun Manet niadtong Hulyo 16.
Sumala sa ahensya, ang ilang panagtagbo nakatutok sa mutual interest sa duha ka nasud, lakip ang economic partnerships, defense and security engagements, ug people-to-people ties.
Sa laing bahin, si Mayo miingon nga ang Pilipinas andam nga mokooperar sa Cambodia sa pagpatuman sa balaod, ilabina pinaagi sa hiniusang pag-ugmad sa standard arrangements alang sa pagluwas ug pagpauli sa mga Filipino nga biktima sa human trafficking ug cyber scam operations sulod sa kasamtangang Memorandum of Understanding on Cooperation in the Fight. batok sa Transnational Crime.
