Nagpaabot si Presidente Marcos sa iyang pahasubo sa pamilya sa usa ka Pilipina nga namatay sa missile attack sa Haifa, Israel niadtong Abril 5, 2026 samtang anaa kini sa sulod sa iyang balay uban sa iyang Israeli nga bana ug mga ugangan.
Gimandoan dayon ni Presidente Marcos ang mga hingtungdang ahensya nga mohatag sa tanang tabang sa pamilya sa namatay.
Ingon man nga nakig-alayon na ang Embahada sa Pilipinas sa Tel Aviv alang sa paspas nga pagpauli sa iyang patayng lawas bisan pa sa naglungtad nga mga pagdili sa pagbiyahe.
Dugang sa hepe ehekutibo nga padayon niyang gibantayan ang sitwasyon sa rehiyon ug ang kaluwasan sa matag Pilipino mao ang labing prayoridad.
Sumala sa report, kini ang ikaduha nga natala nga kamatayon sa Pilipino sukad sa pagsugod sa kagubot sa rehiyon.
Sa pagkakaron, ang Department of Foreign Affairs (DFA) ug ang Department of Migrant Workers (DMW) nagpabilin nga alerto aron masiguro ang kaluwasan sa ubang mga Overseas Filipino Workers (OFW) sa mga apektadong lugar sa Middle East.
