CEBU – Gibutyag ni Winefredo Miro, ang vice president sa Carbohanong Alyansa, nga bisan unsa paman ang mahitabo madayon og madayon ang modernisasyon sa Carbon Public Market.
Gumikan nahisubay na kini sa plano, bisan paman sa pag-angkon sa nagkadaiyang opisyales sa lokal nga panggamhanan sa dakbayan nga wala kini motarong pagbasa sa kontrata ingon man naluto sa kaugalingong mantika.
Gani, gibutyag ni Miro nga hangtod karon wala pa maaprobahi sa konseho ang supplemental MOA kabahin sa maong proyekto, malaumon nalang kini nga masulbad kini sa sunod nga molingkod nga mga opisyal.
Gihimug-atan usb niini nga ilahang gidala sa korte ang problema gumikan sa kamatuoran nga korte ra ang makapahunong sa maong proyekto aron makorihir ang mga sayop niini.
Nag-unang problema sa maong proyekto mao ang kawalay peoples participation gikan sa mga hingtungdan ilabi na ang mga tindera sa Carbon nga maoy labing maapektohan.
