Gi-aprobahan ni Pope Leo XIV ang pagkapili kang Cardinal Luis Antonio Tagle isip bag-ong Dean sa College of Cardinals, usa sa labing taas ug labing mahinungdanong mga posisyon sa Simbahang Katoliko.
Si Tagle, kinsa kasamtangang nagserbisyo isip Pro-Prefect sa Seksyon alang sa Unang Ebanghelisasyon ug Bag-ong mga Partikular nga Simbahan ubos sa Dicastery for Evangelization’s Section for First Evangelization and New Particular Churches, maoy mopuli sa pagpangulo sa tibuok kalibutan nga pundok sa mga kardinal.
Ang Pilipinhong kardinal mopuli kang Cardinal Giovanni Battista Re, kinsa nagserbisyo isip Dean sa maong pundok sukad niadtong Enero 2020.
Isip bag-ong Dean sa College of Cardinals, si Tagle na karon ang responsable sa pagpangulo sa mga opisyal nga tigom sa mga kardinal matag higayon nga adunay mga kritikal nga isyu nga giatubang ang Simbahan.
Usa usab sa mga mahinungdanong tahas sa Dean mao ang pagtawag ug pagpangulo sa Papal Conclave, ang proseso sa pagpili og bag-ong Papa, kung ugaling mabakante ang maong posisyon sa Vatican.
