Dili na kinahanglang mobayad og buhis ni Paris Olympics gold medalist Carlos Yulo sa mga premyo ug donasyon nga nadawat niini.
Matod ni Bureau of Internal Revenue (BIR) Commissioner Romeo D. Lumagui Jr., nga exempted si Yulo sa buhis sa mga premyo ug reward nga iyang nadawat basi sa unod sa National Internal Revenue Code (NIRC).
Dugang niini nga ubos sa tax code sa Pilipinas, ang tanang premyo ug reward sa mga Filipino athletes nga nakadaog sa bisan asang local ug international spots dili buhisan.
Pagpasabot pa sa tax chief nga ang kantidad sa kabtangan nga nakuha pinaagi sa regalo dili kinahanglan nga ilakip sa kinatibuk-ang kita sa nakadawat, busa dili kinahanglan nga buhisan kini.
Gitambagan sa hepe sa buhis ang Pinoy gymnast nga aduna siyay katungod nga dili ideklarar ang nadawat nga mga regalo sama sa mga sakyanan, ug mga balay isip kabahin sa iyang kinatibuk-ang kita.
Ug gitataw nga dili kini obligado nga mobayad og income tax.
