Naka-iskor og knockout victory si John Riel Casimero batok kang Saul Sanchez sa unang hugna sa iyang duwa sa Japan.
Sa wala pa ang iyang kadaugan, ang boksidor nag-atubang og mga problema kabahin sa iyang timbang.
Ang gibug-aton ni Casimero milapas sa limitasyon kaduha sa wala pa siya mosulod sa duwa batok kang Sanchez.
Tungod sa mga lagda sa Japan Boxing Commission, gihatagan og ikatulong higayon si Casimero nga maka-final weigh-in sa dili pa mosulod sa away, diin nisulod na sa limitasyon ang gibug-aton ug gihatagan na og clearance aron makasulod sa boxing ring.
Wala na mag-usik og panahon ang boksidor ug gitapos dayon niya ang komprontasyon sa kontra sa unang hugna.
Sa laing bahin, kining iyang kadaugan maoy nagpasiugda sa iyang karera isip boksidor diin aduna na siyay natala nga rekord nga 34 ka daog, 4 ka pilde ug 1 ka tabla diin 23 sa natala nga daog pinaagi sa knockout.
