Giawhag sa Catholic Bishops’ Conference of the Philippines (CBCP) ang mga Katoliko nga magsul-ob og puti nga sinina matag Domingo karong Oktubre ug Nobyembre.
Gitataw sa CBCP nga sa miaging mga adlaw, ang nasud nakasinati og sunod-sunod nga makalilisang nga mga kalamidad sama sa bagyo, pagbuto sa bulkan, sunog, ug linog.
Tungod niini, gipasiugda sa CBCP ang iyang panawagan sa publiko sa pag-apil sa National Call to Prayer and Public Repentance ug buhaton kini matag adlaw sa semana, ug kung mahimo, ipadayon kini hangtod sa Solemnity of Christ the King.
Giawhag usab sa CBCP ang mga Katoliko nga magbutang ug puti nga mga ribbon sa mga panimalay, simbahan, ug uban pang publikong lugar.
Kini isip pagpakita sa tinguha sa tanan alang sa abli, responsable, ug maayong pagdumala.
Kini usa usab ka gamay nga pag-ampo alang sa paghinlo sa nasud ug sa kaluwasan niini gikan sa sunod-sunod nga mga katalagman, ug pagpangayo sa kaluoy sa Diyos.
Ang CBCP naglaum nga kining panahon sa pag-ampo ug paghinulsol magdala ug bag-ong paglaom, kaayohan, ug pagpasig-uli sa pagsalig sa pagkaanaa sa kamatuoran ug hustisya.
Matod sa Simbahan, ang pagsul-ob og puti nga mga sinina kay magsilbi nga simbolo sa kaputli ug kalimpyo sa kasingkasing sa matag indibidwal ug sa nasud.
