CEBU CITY-Nagpabilin matud pa nga maigmaton ang Cebu PNP ug wala mihunong sa kampanya batok drogas. Kini ang gibutyag ni Cebu City Police Office (CCPO) Dir. Col. Engelbert Soriano human sa gisulti ni Presidente Rodrigo Duterte ato sa Sinulog 2020 Grand Parade nga daghan ang shabu sa Cebu tungod kay mga kadagkuan mismo sa police ang nalambigit ug nagprotektor.
Sigon ni Soriano nga bisan paman og bago pa siya nga milingkod isip city director sa Sugbo napamatud-an na nga tinood ang giingon sa presidente gumikan na usab sa ilang dug operations kung diin nakakuha sila og minilyong shabu sulod lamang sa usa ka buwan.
Gitino ni Soriano nga mas hingusgan pa nila ang kampanya ug tutukan niya ang iyang mga personnel para masiguro wala kini nagprotektar ug nalambigit sa iligal nag drogas.Gani, duna na matud pa sila mga police nga subject for verification ug validation.
Kung mapamatud-an nga nalambigit kining maong mga police sigurado nga manubag kini ug gihimug-atan pa sa director nga dili kini nila i-tolerate ug walay kompromiso o negosasyon kabahin niini.| with reports from Suzzette B. Rafols
