CEBU – Mas pahugtan pa karon sa Cebu City Police Office (CCPO) ang kompanya batok sa kriminalidad human giluagan pag-ayo ang quarantine status sa dakbayan ngadto sa Alert Level 1 gikan sa Alert Level 2 sugod niadtong Marso 16.
Subay sa mas luag nga restriksyon, gihatagan na og pagtugot sa dakbayan ang pagpahigayon og contact sports ug ubang mga paugnat-sa-kusog nga gidili sukad sa pagbuto sa pandemya.
Dili na usab strikto ang kapulisan sa pagpatuman sa health protocols apan giawhag ang tanan nga padayon gihapon nga mosunod.
Sa paglibkas sa curfew, nalantawan sa sakop sa kapulisan ang pagsugod sa pagsaka sa kriminalidad.
Gumikan niini, mas pahugtan pa ang police visibility sa mga lugar nga taas ang crime volume aron kapugngan ang pagsiaw sa krimen.
Pagabisitahon na usab sa sakop sa kapulisan ang mga nangabling negosyo, ilabi na ang mga restobars panahon sa kagabhion aron imonitor ang tagsa-tagsa ka sitwasyon usa ka paagi nga malikayan ang kasamok.
Dili na usab strikto ang kapulisan sa pagpatuman sa health protocols apan giawhag ang tanan nga padayon gihapon nga mosunod sa mga gipatumang lagda gumikan wala pa hingpit mawagtang ang virus.
