-- ADVERTISEMENT --
CEBU – Mag-deploy ug lima ka police personnel matag clustered precinct ang Cebu City Police Office (CCPO).
Gipahibalo ni Police Lieutenant Wilbert Parilla, ang deputy city director for operations sa CCPO, nga nagpaabot na lang sila sa Commission on Election (Comelec) nga magpatawag ug PNP personnel alang sa delivery sa mga election paraphernalia sama sa mga vote counting machines (VCMs).
Matud pa, walay lain trabaho ang kapulisan, inay ang paghatag ug seguridad hangtud nga mahuman ang eleksyon.
Hinuon, giingong mag-depende sa gihapon ang ihap sa mga police personnel nga ma-deploy ilabi na sa mga bukirang barangay sa syudad sa Sugbo nga gagmay lang ug clustered precinct.
