Nihimo og walkthrough ang Cebu City Police Office (CCPO) sa Solemn Foot Procession nga rota, isip kabahin sa mas gipakusog nga pagpangandam sa dakbayan alang sa Sinulog Festival 2026.
Inubanan ni Cebu City Councilor Philip Zafra, department heads, station commanders, ug special police units, ang team nga nisusi sa mga mahinungdanong bahin sa rota aron mailhan ang posibleng isyu sa crowd control, traffic flow, ug safety measures.
Gisundan dayon kini og usa ka panagtigom alang sa pag-pinal sa wala pa ang pista, nga gilauman nga makadani sa libu-libo nga mga partisipante ug mga tumatan-aw.
Gipasiugda sa CCPO ang hugot nga koordinasyon niini sa kagamhanan sa Dakbayan sa Sugbo aron maseguro ang luwas, hapsay, ug maayong pagdumala nga selebrasyon paingon sa Sinulog 2026.
Samtang, giawhag sa CCPO ang publiko nga magpabiling updated sa mga schedule sa kalihokan, mga protocol sa kaluwasan, ugkabahin sa trapiko sa dili pa ang Sinulog 2026, ingon man nga mipasalig ang kapulisan, kauban ang lokal nga mga awtoridad, nga dedikado sila sa paghatag og luwas nga palibot alang sa tanang motambong, aron masiguro nga ang selebrasyon magpabiling malipayon ug luwas alang sa tanan.
