CEBU CITY-Gi-Prayoridad sa Cebu City Transportation Office (CCTO) ang paggamit og bike lanes sa mga sakyanan nga magparallel sa naghuot nga dalan, atbang sa Fuente Osmeña Circle tungod sa nagpadayong konstruksyon sa Bus Rapid Transit (BRT).
Kini human ang usa ka concerned citizen, mitawag sa pagtagad sa buhatan sa trapiko sa dakbayan aron mangitag solusyon sa kahuot sa trapiko sa maong dapit tungod sa double parking.
Aron makab-ot ang usa ka Singapore nga sama sa Cebu City, ang CCTO nipatuman og bag-ong parking scheme aron mahatagan og mas daghang luna ug ma-decongest ang trapiko sa maong dapit, sa gasto sa bike lane users.
Ang CCTO nitambag sa mga bikers ug ubang bike lane users sa paggamit sa “lapad nga sidewalk alang sa ilang kaluwasan ug kasayon.”
Matud pa ni Engr.Nigel Paul Villarete, usa ka urban planner ug kanhi Cebu City administrator, nga kinahanglang hunongon ang probisyon sa parking sa maong dapit samtang gihimo ang BRT.
Gipasabot ni Villarete nga subay sa City Ordinance No. 2408, ang siyudad kinahanglang mosunod ug mosuporta sa aktibong transportasyon ug inclusive mobility.
Una niini, ang mga bike lane gihimo aron ang mga bikers makagamit sa mga lane nga walay hunong.
