CEBU CITY- Giklaro sa Cebu City Transportation Office (CCTO) nga dugay nang ordinansa sa dakbayan sa Sugbo ang “No Bus Stopping” sa kadalanan sa N. Bacalso Avenue nga gikan sa habagatang bahin sa lalawigan.
Kini ang eksklusibong gipamahayag ni Raquel Arce, ang pangu sa CCTO sa pakighinabi niini sa Bombo Radyo Cebu News Team diin nagklaro kini sa ilang hugot nga pagpatuman sa karaan nang balaudnon nga nagtinguha nga maminusan ang bugat nga lakat sa trapiko sa nasudnong highway sa habatang kadalanan sa dakbayan.
Sumala pa ni Arce nga balaod na kini sa Land Transportation Office (LTO) nga ila lang gipatuman isip deputized personnels niini sa kadalanan.
Gani saysay pa niini nga dugay na kini nilang gipatuman apan citation tickets lang ang gipanghatag sa mga violators apan karon kay aduna na silay gahum mu-isyu og Temporary Operator’s Permit (TOP) nga mas bug-at nang atubangon sa mga nakalapas sa balaod.
Ingon man nga nanalipod ang opisyal sa mga batikos nga gipunto kang Cebu City Mayor Nestor Archival sa pagpatuman lang sa maong balaudnon.
