CEBU – Gibutyag ni Cebu City Councilor James Cuenco, ang chairman sa committee on transportation sa dakbayan sa Sugbo, nga nagkadugay nagka-walay klaro ang plano sa dakbayan nga magtukod og Cebu Bus Rapid Transit (CBRT) .
Matod pa ni Cuenco long-over due na ang maong proyekto gani matod pa masugdan na unta kini sa miaging tuig aron maka-operate na karong tuig 2022 apan sa iyahang nadawat nga taho bag-ohay palang nagbidding ug sa sunod tuig pa magsugod ang civil works.
Dugang pa ni Cuenco nga kung ugaling mahinayon ang BRT gikinahanglan nga palapdan una ang mga karsad gumikan sa panahon karon nagkadaghan na ang mga sakyanan og kung ugaling mahinayon kini mosamot kabug-at ang dagan sa trapiko sa syudad sa Sugbo.
Gitino ni Cuenco nga kapin sa 20 ka tuig pa nahimo ang plano sa BRT ug wala malakip sa programa niini ang pagpalapad sa karsada diin nitriple na karon ang gidaghanon sa mga sakyanan.
