CEBU CITY-Andam ang Cebu City nga mo-host sa pipila ka mga duwa alang sa pinakaunang Futsal Women’s World Cup sa Fédération Internationale de Football Association (FIFA) sa umaaot Nobyembre 2025.
Sa pamahayag ni Cebu City Acting Mayor Raymond Alvin Garcia nga nihatag kini og pasalig atol sa press conference niadtong Lunes sa buntag, Hunyo 24.
Matod a sa alkalde nga dako kaayo kining garbo nga sa women’s futsal, na award sa Pilipinas aron mu-host ani og mas dako pa gyu’ng garbo nga gipangita nga ang dakbayan sa Sugbo kay napipliian aron mu-host sa pipila ka duwa.
Sa wala pa maong ang press conference, si Garcia nakigtagbo kang Philippine Football Federation President John Gutierez kinsa nipaabot sa balita sa pag-host sa siyudad sa pipila ka mga duwa.
Mitambong usab atol sa tigom sila si Cebu City Sports Commission (CCSC) Chairperson John Pages, ug City Councilors Donaldo Hontiveros ug Joel Garganera.
Ang Pilipinas maoy midaog sa bid sa pag-host sa FIFA Futsal Women’s World Cup, ug ang mga tigpasiugda nagtan-aw nga adunay pipila ka mga duwa dinhi sa dakbayan sa Sugbo.
Gihangop ni Garcia ang balita nga nagkanayon nga ang sports tourism maoy usa sa mga tumong sa kagamhanan sa dakbayan.
Taliwala sa uban, ang siyudad mangita og lugar nga himuong futsal field sa mga duwa.
