Aprobado na sa Konseho sa Kagamhanang Dakbayan sa Sugbo ang pagpamaligya sa P20 per kilo rice program human sa pipila ka semana niining pagtuki sa sesyon sa Cebu City Hall.
Naaprobahan kini niadtong Miyerkules, Septiyembre 10 atol sa regular session sa mga konsehales sa dakbayan human sa botasyon nga 7-6 pabor sa pag-aprobar sa pagpatuman sa programa.
Kini nagtugot sa Cebu City Government nga mupirma og kasabutan sa Food Terminal Incorporated (FTI) sa pagpamaligyas sa subsidized rice sa mga mapiling benepisyaryo.
Abagahon sa nasudnong panggamhanan ug sa dakbayan ang P6.50 tagsa-tagsa nga subsidiya sa matag kilo sa bugas diin ang FTI maoy mu-supply sa City Hall og mao na kini ang mu-apod ug ibaligya sa mga benepisyaryo.
Kahinumduman nga hagbay ra niadtong sayong bahin ning tuiga nakapanghimulos ang Kapitolyo sa Sugbo sa maong programa sa kasamtangang administrasyon sa pagtuman niini sa pasaad niadtong pagpangampanyan pag 2022 diin bag-ohay lang kini hinggpit nga mapahimuslan sa mga lumulupyo sa dakbayan sa Sugbo.
