-- ADVERTISEMENT --
CEBU – Pabor si Cebu City Councilor Philip Zafra nga ibalik ang curfew sa dakbayan sa Sugbo alang sa mga menor de edad nga magtikaw-tikaw panahon sa kagabhion aron maminusan ang krimen.
Kini human sa mga sagunson nga panghitabo diin nalambigit ang mga menor de edad sa mga krimeng buhat sama sa pagpanulis diin ang uban niini ang gigamit isip drug courier sa mga sindikato.
Nagkanayon si Zafra nga kaniadto sa dihang gipatuman pa ang curfew diin way gawas-gawas ang mga menor de edad , minus lamang ang krimen sa syudad.
Una nang nasayran sa miabyng adlaw nakahipos ang kapulisan og mokabat sa 35 ka mga batan-on hinungdan nga gipangturn over kini ngadto sa DSWD.
