CEBU – Kapin sa 800 ka mga volunteers ang modugang sa puwersa sa Cebu City Environmental Sanitation Enforcement Team (CESET) sa pagpatuman sa mga lagda ug regulasyon nga gitumong sa pagmintinar sa kalimpyo sa dakbayan.
Kini ang gibutyag ni Raquel Arce, ang pangu sa Cebu City Disaster Risk Reduction and Management Office (CCDRRMO) ug pangu sa Prevention Restoration Order Beautification Enhancement (PROBE), nga gikan kini sa nagkadaiyang barangay sa dakbayan sa Sugbo, kung diin sa 80 ka barangay adunay 10 ka volunteers.
Dugang pa, nga ang mga partisipante gihatagan og orientasyon sa nagkalain-laing balaod ug ordinansa sa kinaiyahan ug mga lagda kalabot sa pag-isyu og citation ticket.
Sa laing bahin usab, sa sayo pa, nihangyo ang pangu sa CESET nga si Grace Luardo sa 80 ka mga barangay kapitan nga i-deputize ang ilang mga tanod aron makatabang sa pagmintinar sa kalimpyo sa ilang tagsa-tagsa ka hurisdiksyon.
