CEBU CITY- Giduso sa Kagamhanang Dakbayansa Sugbo ang pagpatuman sa mga lakang sa water security and mitigation sa antisipasyon sa nagsingabot nga panahon sa ting-init diin adunay posibilidad nga mutungtong sa El Niño phenomenon nga makaapektar sa suplay sa tuibg sa syudad sa muabot nga mga buwan.
Kini ang nahisgutan atol sa ikatulong Cebu City Development Council (CCDC) Full Council Special Meeting niadtong Huwebes, Marso 26 diin gihimug-atan ni Cebu City Mayor Nestor Archival Sr. ang kamahinungdanon sa kabalaka sa posibilidad sa kanihit sa tubig ilabi sa mga bukirang barangay.
Gipasabot sa mayor nga ang mga bukirang barangay sa panahon sa huwaw kay magsalig nalang sa ideliver sa mga water tankers diin ang syudad kay adunay lay upat ka nagserbisyo, tag-duha sa north ug south district.
Gani isip kabahin sa pagpangandam sa dakbayan, nag-awhag ang opisyal sa mga kapitan sa barangay nga buhion ug i-rehabilitate ang mga groundwater sources sama sa mga tubod ug poso.
Gilatid niini ang usa ksa mitigation plan sa koordinasyon sa Metropolitan Cebu Water District (MCWD) nga naglangkob sa pagpatukod og centralized water access points sa mga hinit og suplay sa tubig nga mga dapit.
Ang ikatulong CCDC Full Council Special Meeting kay gitambongan sa mga kapitan sa barangay, representantes sa DILG Cebu City, civil society organizations ug uban pa.
