CEBU CITY- Gisugdan na ang konstruksyon sa wastewater treatment facility project sa Cebu City Jail sa Barangay Kalunasan ning dakbayan sa Sugbo kagahapon adlawa sa Huwebes, Pebrero, 13, 2025.
Kun diin ang Groundbreaking Ceremony kay gipangulohan ni Cebu City Mayor Raymond Alvin Garcia uban sila City Councilors Francis Esparis, Junjun Osmeña, Joel Garganera ug uban pang mga kadagkuan sa dakbayan ug sa Kalunasan Jail Facility.
Sa pamahayag ni Konsehal Garganera nga “long-overdue” na kini nga programa og karon na-mahinayon na aron hingpit nga pagsulbad sa isyu sa baho ug hugaw nga tubig sa maong dapit.
Ang pasilidad kay nagtumong sa pagpalambo sa sanitation ug wastewater management sulod sa maong prisohan nga pagsulbad sa problema ang pipila na ka tuig nga yangongo dili lamang sa mga piniriso, apan lakip na sa mga komunidad nga anaa sa maong dapit.
Nagsiguro kini sa mas limpyo nga kinaiyahan diin ang proyekto kay nalangkob sa inisyatiba sa dakbayan sa pagpanalipod sa kaayuhan sa kalawasan ug kahimsog sa kalikupan.
