CEBU-Gihangop ni Cebu City Mayor Michael Rama ang pagpahibalo sa World Health Organization (WHO) nga ang COVID-19 dili na usa ka ‘public health emergency of international concern’.
Matud ni Rama nga maayo kini alang sa turismo, lakip na ang duha ka labing dagkong kapistahan, ang Pasigarbo sa Sugbo nga gipasiugdahan sa kagamhanan sa probinsiya ug ang gipaabot nga Sinulog sa kagamhanan sa dakbayan.
Gidugang usab niini nga makahatag kini ug kagawasan sa mga local government units (LGUs) sa pagpatuman sa labing maayo ubos sa labing ako nga local autonomy.
Bisan pa man, gisiguro sa mayor nga ang syudad dili gayud mohunong sa ilahang mga paningkamot sa pagbakuna, tungod kay ang mga bakuna sa COVID-19 nagpabilin nga proteksyon sa indibidwal pinaagi sa paghimo ug antibody response batok sa posibli nga grabing sakit o post-COVID nga kondisyon.
Kahinumdoman nga ang WHO niadtong adlaw nga Biyernes, Mayo 5, ang mi-anunsyo nga ang COVID-19 dili na matawag nga global health emergency ug usa kini nga dakong lakang paingon sa hingpit nga pagtapos sa pandemya.
