CEBU – Gibutyag ni Cebu City Mayor Mike Rama atol sa eksklusibong pakighinabi sa Bombo Radyo cebu kaniya, nga plano nining magpapili sa League of Cities of the Philippines (LCP).
Ang LCP usa ka opisyal nga asosasyon sa mga syudad sa nasud nga gimandoan sa pag-ventilate, articulate, ug crystallize sa mga isyu nga nakaapekto sa mga city governments ug urban communities.
Unang natukod ang LCP iadtong Hulyo 25, 1987,human mipagawas si kanhi Presidente Corazon Aquino og Executive Order No. 262 nga nagmugna sa Liga sa mga Mayor sa Syudad sa Pilipinas diin si Quezon City Mayor Brigido R. Simon Jr. napili isip founding president ug si Lipa City Mayor Ruben L. Umali isip secretary-general.
Sa kasamtangan, nagsilbing national president sa naasoyng asosasyon si Hon. Evelio R. Leonardia sa Bacolod City.
