Personal nga gibista ni Cebu City Mayor Nestor Archival ang batang babae nga gibilin lang sulod sa karton— gisulod sa eco bag, ug gibilin sa poste gahapong adlawa, Enero 20.
Kahinomdoman nga gahapong adlawa, kakurat ang nisugat sa kabuntagon sa mga residente sa Gotianuy St., Cebu City, pasado alas 7 sa buntag.
Kini gumikan sa dihang napalgan ang maong masusong babaye, nagkadugo pa kini sulod sa usa ka karton nga nakaputos og eco bag, ug namatyagan kini sa mga indibidwal nga duol sa maong dapit tungod sa hilak niini.
Apan, dali kining girespondihan sa mga kapulisan nga anaa na assign sa Police Outpost sa Mango Ave., dayun gidala kini sa tambalanan ang maong masuso.
Gituohan nga ang mga residente duol sa dapit nga maoy naka diskobre sa nag hilak nga bata, ug posibling kadlawon pa gibilin ang batang babaye nga nagkadugo pa sa dihang girespodihan sa atong outpost police sa Mango Ave.
