Giablihan na sa Kagamhanang Dakbayan sa Sugbo ang 24/7 Government Service Hub ubos sa “Mayor of the Night” program niadtong Sabado, Marso 28 sa 2nd Floor Cebu Exchange Tower doul sa Cebu IT Park.
Ang groundbreaking ug blessing ceremony kay gipangulohan ni Cebu City Mayor Nestor Archival Sr. kauban si Vie Mayor Tomas “Tommy” Osmeña nga nagtinguha sa accessible, round-the-clock government services sa mga Sugboanon.
Ang proyekto kay kabahin sa tinguha sa kasamtangang administrasyon sa responsive, inklusibo, ug service-driven nga lokal nga panggamhanan nga nag-operate gawas sa tradisyunal nga office hours.
Gitambongan sab ang kalihokan nila Cebu Inter BPO Organization (CIBO) President Asseem Roy, CIBO Executive Director Buddy Villasis, City Councilors Winston Pepito, Jose Abellanosa ug Nice Archival sa pagsuporta sa inisyatiba nga makatampo og dako sa mga nagtrabaho og night shift.
Gi-desinyo ang 24/7 Government Service Hub aron makatubag sa panginahanglan sa nagkadako nga workforce sa syudad ilabi kadtong mga anaa sa Business Process Outsourcing (BPO) sector.
Gihimug-atan ni Mayor Archival ang proyrkto nga maghulagway dedikasyon sa dakbayan sa inobasyon sa pagdalit og serbisyo publiko.
Gilauman kini maka-steamline sa mga transaksyon, makapaminus sa oras sa pagpaabot, ug makadalit sa mas haruhay nga transaksyon tali sa komunidad ug sa kagamhanan.
