Nakatala lang og 275 sa mga insidente sa sunog ang dakbayan sa sunog sa tibuok tuig 2025 sumala pa sa report gikan sa Bureau of Fire Protection – Cebu City Fire Station.
Kini ang gipamahayag ni Cebu City Fire Station Spokesperson Senior Fire Officer 3 Wendell Vilanueva sa eksklusibong pakighinabi niini sa Bombo Radyo Cebu News Team diin gilatid niini nga ang mas minus sa insidente sa sunog ang nasinati sa dakbayan karong tuiga tungod ka sa 2024 nakatala sila og 329 ka mga alarma sa sunog.
Ang datos nagikan sa buwan sa Enero hangtod karong adlawa sa Miyerkules, Disyembre 31 diin karong buwanalang nakatala sila og 22 sa alarma sa sunog.
Dugang sa opisyal nga sa ilang kinatibuk-ang datos nga nahipos, ang tanang sunog nga mitumaw sa dakbayan kay nagbilin og kadaot sa balor nga P117-milyones itandi sa 2024 nga adunay P128.7-milyones.
Pipila sa mga nag-unang hinungdan sa sunog kay mao ang electrical short circuit, battery explosion, overcharging, overloading, ug tanang may kalabutan sa electrical wiring.
Hinaot sa opisyal nga karong hinapos nga adlaw sa 2025 ug sa pagsugat sa 2026 kay walay matalang alarma sa sunog sulod sa dakbayan ug sa padayong sugyot niini sa publiko nga saulogon ang Bag-ong Tuig sa luwas ug layo sa kadaot.
