CEBU CITY-Nangandam na karon ang Cebu City Police Office (CPPO) alang sa paghandum sa dakbayan sa ika-87 nga Cebu City Charter Day.
Ang selebrasyon sa Charter Day karong Pebrero 24, 2024, apan gisugdan niadtong Pebrero 1, 2024, sa Plaza sa Katawhan.
Matud pa ni Police Lieutenant Colonel Janette Rafter, Deputy Director for Operations sa Cebu City Police Office (CCPO), nga nipahigayon na sila og tigom sa lokal nga kagamhanan sa dakbayan sa Sugbo alang sa maong kalihokan.
Gani, si Rafter niingon nga ang mga police personnel naka-deploy na sa opening event hangtod sa petsa 25 alang sa matag gabii nga kalihokan.
Dugang pa, nga sa adlaw sa selebrasyon sa Charter Day, nga modaghan pa silag personnel nga ipakatap alang sa mas hugot nga seguridad.
Sa laing bahin, gawas sa Charter Day,nangandam na usab sila sa pagsaulog sa Chinese New Year karong Pebrero 10, 2024, nga ipahigayon sa Plaza Sugbo.
