CEBU CITY- Nakig-alayon na karun ang Cebu City Police Office sa Land Transportation Office harun nga dali nga mailhan ang mga nagmaniho sa sakyanan nga namunit sa kuwarta sa South Road Property nga gidala sa usa ka remittance collector kini ang gibutyag ni Police Colonel Ireneo Dalogdog, ang director sa Cebu City Police Office nga ila nang mas gipalawman ang pag-ila sa mga motorista nga posibling nakapunit sa kuwarta gumikan kay pipila lang sa mga namunit ang ni uli sa kuwarta ngadto sa mga police station.
Sigon pa kung ang mga indibidwal nga mailhan ug magdumili sa pag-uli sa kwarta kay mahimong mag-atubang ug ligal nga aksyon.
Matud pa sa kapulisan nga nakakuha na sila ug footage gikan sa CCTV camera sa palibot sa SRP, ingon man ang mga gi-upload sa internet arun nga matino ang pagkatawo sa mga indibidwal ga mipunit sa kwarta nga nangkatag sa dalan.
Kung kahinumduman dili mo minos sa 2 milyones ka pesos ang wala pa mabalik sa remittance collector kinsang nawad-an ug dul-an sa 4 milyones ka pesos nga kwarta human nga nabuskad ang zipper sa iyahang bag samtang nag-inusara nga nagmaneho sa iyahang motorsiklo sa Cebu South Road Properties.
Hinuon, aduna na’y pipila ka mga indibidwal ang mi-uli sa kwarta nga ilahang nakuha, diin sa Mambaling Police Station, mikabat na sa kapin P30,000 ang gi-turnover.
