CEBU – Gipasalamatan ni Cebu Governor Gwen Garcia ang gma regional directors sa Rehiyon7 kinsa iyahang nakauban sa milabayg tulo ka tuig samot na kadtong nakauban sa gobernadora sa panahon sa kalisud atol sa Covid-19 pandemic ug dihang naigo ang prbinsya sa Bagyong Odette.
Gihimo ni Governor Garcia ang maong pamahayag isip pasalamat ngadto sa mga regional directors sa mga nagkadaiyang ahensya sa gobyerno samot nang ang uban kanila gipanghulipan na o natudlo sa ubang posisyon tungod sa pag-usab sa administrasyon.
Nitataw usab ang gobernadora nga importante ang nahimong papel sa mga regional directors atol sa iyahang pagmugna og mga lagda sa probinsya ilabi na sa kontrobersyal nga lagda sama sa ASF ug optional nga pagsul-ob sa face mask.
Usa sa gipasalamatan sa gobernadora mao nga dali rang mosanong sa bisan unsang meeting sa Kapitolyo ang maong mga regional directors.
