CENTRAL VISAYAS-Kompirmadong adunay kaso sa African Swine Fever (ASF) sa lungsod sa Pilar, Bohol hinungdan nga temporaryong gidili ang pagpasulod sa mga buhing baboy ug uban pang anaay kalabutan sa produkto nga baboy nga gisugdan kagahapon ug molungtad hangtud sa Oktubre 7, 2023.
Gibutyag ni Cebu Governor Gwendolyn Garcia, nga ang tumong sa maong pagpagawas sa Executive Order (EO) arun mapanalipdan ang industriya sa mga baboy sa Sugbo.
Tungod niini, dili na tugotan nga makasulod sa Sugbo ang mga gi-isyuhan og ‘Cebu Provincial Livestock Transport passes’ diin nagtugot sa pagdala sa mga buhing baboy ug mga produkto sa baboy sulod sa 60 ka adlaw.
Nanawagan si Garcia sa Philippine National Police, Philippine Coast Guard, Cebu Port Authority, ug mga mayor sa Sugbo nga bantayan ang ilahang mga ‘area of jurisdiction’ ug higpit nga ipatuman ang mando sa gobernador.
Kahinumduman, nga kaniadtong bulan sa Marso ning tuiga, diin gipatuman usab sa Bohol ang pagdili sa mga buhing baboy ug mga produkto sa baboy, sama sa chicharon ug longganiza, ug uban pa nga gikan sa Sugbo tungod sa hulga sa ASF.
