PROVINCE OF CEBU-Gimandoan ni Cebu Governor Gwendolyn Garcia ang Department of Public Works and Highways Cebu 2nd district office ug ang mga kontraktor niini nga hunongon ang tanang pagpalapad nga mga proyekto sa habagatang highway, ilabina sa Munisipyo sa San Fernando, gawas kon ang mga gikinahanglang lakang himoon aron matangtang ang mga estruktura nga anaa na, sama sa mga poste sa kuryente, nga nakababag sa widening efforts.
Nasayran nga ang direktiba sa gobernador gihimo atol sa pakigtagbo niini sa mga contactors ug mga opisyal sa ikaduhang distrito sa DPWH Cebu, diin gipangulohan ni District Engineer Leslie Anthony Molina, gahapon Pebrero 26, sa Kapitolyo.
Sa pagbisita ni Garcia sa pipila ka probinsya sa Sugbo, nasayod kini nga nagkagrabe ang kahimtang sa trapiko sa habagatang highway, partikular na sa San Fernando, tungod sa pagpalapad sa dalan ug pagkonkreto nga gipundohan sa DPWH.
Hinungdan nga direktang gipahunong sa gobernadora ang bisang unsang mga plano sa pagpalapad gawas kung ang DPWH ug ang mga kontraktor niini makahimo sa pagtangtang sa bisan unsang mga babag sama sa mga poste nga wala ka matangtang hangtud karon.
Gihatagan ug gibug-aton ni Gobernador Gwen ang panginahanglan sa saktong koordinasyon ug konsultasyon sa kagamhanan sa Probinsiya ug ingon man nga kinahanglan adunay plano sa trapiko ang DPWH sa ilang mga proyekto sa kadalanan aron dili makahasol sa mga motorista.
Subay niini, giktakdang makigtagbo kini sa mga utility firms aron hisgutan ang dinaliang pagtangtang sa mga poste nga wala pa matangtang sa mga bahin sa karsada nga gitakda na sa DPWH alang sa pagpalapad.
