Gihandom sa dakbayan sa Sugbo ang ika-128 nga anibersaryo sa Battle of Tres de Abril pinaagi sa usa ka wreath-laying ceremony sa Tres de Abril marker sa Barangay San Nicolas Proper karong Miyerkules, Abril 1.
Ang maong kalihokan ubos sa pagdumala sa Cebu City Government ubos usab sa pagpanguli ni Cebu City Mayor Nestor Archival diin gitagaan niini og bili ang kamahinungdanon sa ika-128 nga anibersaryo sa Battle of Tres de Abril.
Naglakip usab ang maong paghinumdom sa usa ka Santos nga Misa aron pasidunggan ang kaisog sa mga Sugboanong rebolusyonaryo sa makasaysayanong pag-alsa niadtong 1898.
Subay niini, gitagaan og pagdungong ni Archival ang labing mahinungdanong gutlo sa sa Sugbuanong Kasaysayan—The Battle of Tres de Abril 1898.
Gisaysay sa Mayor sa dihang ang maisogon nga katepunero nga si Pantaleon Villegas o nailhan nga “Leon Kilat,” mihimo og usa ka hinungdanon nga pag-alsa sa mga Sugbuanon batok sa pagmando sa Espanya, sa dihang ang maisog nga Katepunero uban sa 6,000 ka mga Sugbuanon misukol sa pagmando sa Espanya ug nakigbisog alang sa kasamtangang gitagamtam nga kagawasan..
Ang iyang pwersa sa mga rebolusyonaryo malampusong nakakontrol sa Dakbayan sa Sugbo sulod sa tulo ka adlaw, nga nagpugos sa mga tropang Espanyol balik sa Fort San Pedro, sa wala pa siya gipatay niadtong Abril 8, 1898, sa Carcar.
Dugang ni Archival, ang giila nga mga ancestors kinsa armado dili sa modernong mga hinagiban, apan sa kaisog ug gugma sa nasud mibarog ug gipakita sa kalibutan ang kusog sa espiritu sa mga Sugbuanon, ug bisan pa nga ang ilang kadaugan mubo ra kaayo nga panahon, apan ang tinguha sa kagawasan dili mapugngan.
