Suspindido ang tanan nga face-to-face nga mga klase sa pampubliko ug pampribadong mga tunghaan sa tanang ang-ang sa Dakbayan sa Sugbo karong Lunes, Oktubre 12, 2026, tungod sa natala nga kalidad sa hangin nga giisip nga “very unhealthy” o (makadaot kaayo sa panglawas) nga natala sa Metro Cebu pasado-alas 4 sa hapon niadtong Domingo, Oktubre 11.
Kini ang gianunsiyon ni Cebu City Mayor Nestor Archival, kagahapon gumikan sa natala sa Metro Cebu Ambient Air Quality Monitoring Station nga miabot sa Air Quality Index (AQI) nga 180.
Kini nagtumong sa pagpanalipod sa panglawas ug kaluwasan sa magtutonga, magtutudlo, ug mga kawani sa eskwelahan taliwala sa dili maayong kalidad sa hangin.
Sa pikas bahin, mikanselar usab sa klase ang pipila ka lugar sa Probinsya sa Sugbo sama sa; Talisay City, Minglanilla, San Fernando, Cordova, City of Naga, Carcar City, Lungsod sa Liloan ug Consolacion.
Gpahimangnoan usab ang mga vulnerable nga magpabiling anaa sa sulod sa panimalay kung walay importante nga mga lakaw.
