Nipadayag og suporta si Cebu Governor Pamela Baricuatro ngadto kang Mayor Rajiv Enad, kinsa nag-atubang og kasong graft nga gisang-at sa Office of the Ombudsman, kabahin sa usa ka goat farm sa barangay Guindarohan.
Matod pa ni Gov. Baricuatro, si Enad giisip niya nga maoy “one of the best performing mayors sa probinsya sa Sugbo.
Kung mahinumduman, nipahibalo ang opisina sa Ombudsman nga pasakaan og kasong graft si Enad, Vice Mayor Lani Peña, ug mga konsehales tungod sa giingong wala sila ni-endorso sa rehabilitation plan sa Jomara, ang kompanya nga nagtukod og Goat Farm sa bukid sa Guindarohan.
Nipasabot si Enad nga ang ilang lakang gihimo aron ma-protektaran ang kinabuhi sa mga residente sa naasoy nga lugar, diin adunay mga balay nga nangliki, ingon man ang mga pagliki sa yuta nga gidudahan nga tungod kini sa illegal quarry operation sulod sa goat farm.
Ang Jomara nga tag-iya sa goat farm mao usab ang kompanya nga tag-iya sa landfill o labayanan sa basura sa Minglanilla, nga gi-objectionan sa mga residente ug mga opisyales. | via Bombo Jun Salde
