Nabalda ang gikatakdang paglupad unta sa usa ka flight sa local carrier nga Cebu Pacific sa Bohol-Panglao International Airport human nag-bomb joke ang duha ka pasahero niini.
Ang Cebu Pacific Flight 5J617 kay gkatakdang mulupad padulong sa Manila sa dihang pag-onboard na sa mga pasahero kay nakadungog ang usa ka flight attendant og panag-istoya sa duha ka pasahero niini nga adunay kalabotan sa usa ka bomba.
Aron masiguro ang kaluwasan sa maong flight kay gipahunong usa kini sa iyang paglupad og didto gipatuman ang masusing inspeksyon sa eroplano ug sa mga bagahe.
Gani ang duha ka mga pasahero nga responsible sa maong binuhatan kay daling gikustodiya dayon sa mga kapulisan para sa tukamg imbestigasyon.
Pagkahuman sa masusing pag-inspeksyon, gikompirma sa mga awtoridad nga walay kamatuoran ang hulga sa bomba ug didto na gipadayon ang operasyon sa maong eroplano.
Mahitungod sa panghitabo, gipahinumduman sa Civil Aviation Authority of the Philippines (CAAP) ang publiko kabahin sa pagbuhat sa bomb jokes sa mga eroplano ug tugpahanan kay seryosong kalapasan sa Presidential Decree No. 1727.
Ang silot sa mga makalapas kay mamahimong mag-atubang sa pagkapriso sulod sa 5 ka tuig ug multa nga moabot sa P40,000.
